Post by Atif Mirza on May 10, 2009 20:14:10 GMT 6
Rim jhim, rim jhim gham barsa hai aaNkhoN say
Ab kay Atif khooN tapka hai aaNkhoN say
Paas gaay tau andhay pan ka raaz khula
Beena her ik shakhs laga hai aaNkhoN say
Aa jaao yeh rasta hai aasaan bahut
Zeena dil maiN utar raha hai aaNkhoN say
Muddat say jo andar andar pakta tha
Ab woh laawah beh nikla hai aaNkhoN say
Piyar maiN Atif lub ka hilana bay ja hai
Uss nay yeh paigham diya hai aaNkhoN say
