Qawaaid

[Atif Mirza]

Danish Kadah kay Mohtaram Araaken!
Kissi bhi nizaam ko saaf aur shaffaaf tareeqay say chalaanay kay liay kuchh qawaaid-o-zawaabit aur qawaaneen wazaa kiay jaatay haiN. Taraqqi yaafta azhaan zimmah daari ka Saboot detay huway inn qawaaneen per amal kar kartay haiN. Jo amal nahiN karta who sazaa ka mustahiq qaraar paataa hai.
Darj-e-zail qawaaid-o-zwaabit per amal na karnay walay ki rukniyat mansookh kar di jaay gi.

Inn qawaneen ki paasdaari say forum pur aman aur saaf rahay ga:-

• Islaam ya kissi bhi mazhab kay manaafi kissi qisam ka mawaad maslan Shaeri, Nasr, Tasweer ya Cartoon waghaira yahaN post nahiN kia jaay ga. Aur na hi aisi koi baat yahaN zair-e-behS nahiN laayee jaay gee.
  
  
• Fauj say mutalliq kissi qisam ka mawaad yahaN post nahiN ki jaay gi. Warna delete kar di jaay gi.
  
  
• Tamaam post Roman Urdu ya Urdu script maiN likhiay. English ya koi aur zaban maiN kia gaya post delete kar diya jaay ga.
  
  
• Adbi mukhalifataiN discuss karnay say parhaiz kijiay.
  
  
• Tanqeed baraay tanqeed say parhaiz kijiay. Albatta kissi takhleeq per koi jaez tanqeed hai tau uss ka munaasib jawaab dijiay ya ignor kar dijiay. Seekh pa honay say forum ka maHol kharaab karna manaa hai.
  
  
• Qabil-e-E'traaz ya fuhsh mawaad filfor delete kar di jaay ga.
  
  
• NaSri shaeri iss bazm maiN haraam hai. Haan aisay dostoN say guzaarish hai keh woh apni naSr behtr kar kay "Nasr kay Maidaan" main apni naSri teHriraiN post karaiN. Unn ki munasib shunwaaee ho gi.
  
  
• Rules maiN tabdeeli ka ikhtiyaar sirf Admins kay paas hai, taahum koi tabdeeli ya naya rule mutaarif karanay kay liay admin ko PM kijiay.
  

Shukriya

[Razi-ud-Din Razi]

aatif sahab
forum main amn o amaan k qayaam aur pur amn baqaay bahmi k liay aap nay jo qawaaid muratab kiay unhain parh kar lutf aa gia main aap k banaay huay qawaaid say mutafiq hoon
adabi mukhalfaton wali baat samajh nahi aai
mera khyaal hay adabi chapqlishain adab ka husn hoti hain shart yeh hy k un main zaatiaat zair e behas na aain
bahar haal hum in qawaaid ki paabandi karain gay
aap nay yeh bhi acha kia k is bazm main urdu likhnay ki pabandi aayd kar dee aur yeh bhi likh dia k jo mazmoon angrayzi main ho ga aap usay hazaf ( delete ) kar dain gay ,, main aap ki raay say 100 fee sad mutafiq hoon
azraahe karam is dhaagay yaani thread ka unwaan bhi RULES ki bajaay qawaaid kar dijiay ya phir mujhy admin ka ikhtyaar dijiay taa keh main isay qawaaid k mutabiq delete kar sakoon
....... kion phir kaysa ?
thanx
razi

[Bilal Mirza]

Theek ha Atif Bhai Jaan! qawaaid honay chahiay magar itni pabandian bhi theek nahin. Fauj tak baat banti hai magar hukoomat aur adlia kaa naam tau yahan say del kar dain.

[Sania Sajjad]

Main bilal sb ki baat ki ta'eed karti hoon. Atif sb thori si narm policy adopt karain.