|
Post by Atif Mirza on May 15, 2008 2:14:19 GMT 6
Khawb, Saraab, Haqeeqat Suraj apni kirnoN ko Jab samait laita hai Shub bakair deta hai NeeNd apnay per kholay Tari hoti hai sub per AaNkh baNd hoti hai BaNd aaNkh kay peechhay Aik chhota sa parda jhilmilanay lagta hai
AarzooaiN jitni bhi poori ho nahiN sakteeN Bun kay aik perchhaeeN parday per ubharti haiN
Aisay khawb bantay haiN
Jaisay beech sehra kay Sakht garm mousam main Kuchh saraab bantay haiN
Tum bhi bun kay parchhaeeN mairay khawb main ubhro! Mairay piyar kay shra kay saraab main ubhro!
...................................!
HaaN..........................! HaaN! Magar yah yaad aaya Khawb, khawb hotay haiN Inn ka kuchh haqeeqat say wasta nahiN hota Jaisay beech sehra kay Tay kabhi saraaboN tak fasila nahiN hota
Mairi baat gar maano! Tum na bun kay parchhaeeN mairay khawb maiN aana Or na piyar kay sehra kay saraab main aana
HaaN! Agar jo aana ho Mairay dil kay rastay say Mairay piyar kay aaNgan maiN kabhi utar aana Bun kay ik haqeeqat phir Zindagi peh chha janaThe first Post of the forum
|
|
|
Post by Sania Sajjad on May 19, 2008 2:18:31 GMT 6
Atif sb bahot khub sooret nazan hai aap ki. Daad qabool kijiay.
|
|
|
Post by Atif Mirza on May 19, 2008 2:39:40 GMT 6
Sania Ji, taareef ka bahut shuriya
|
|
|
Post by Rafi Tabasum on May 25, 2008 2:12:49 GMT 6
Khoobsoorat Mirza sahib sukhanwar par bhi daekh chuka hooN
|
|
|
Post by Atif Mirza on May 25, 2008 6:37:17 GMT 6
Bahut shukriya Rafi Sahib! Aap ki shaeri ka bhi intezaar rahay ga..
|
|
|
Post by Bilal Mirza on May 28, 2008 18:41:26 GMT 6
Dil aur Rooh ko chhonay wali nazm hai aap ki, daad hazir hai. Studies theek ja rahi hain......
|
|
|
Post by Zagham on Jun 23, 2008 18:54:50 GMT 6
kwab daykhnay ki khawhish her dil main basi hoti hay magar jab is khwhish k chahray per haqeeqat ka thappar parta haay to insan baajaie haqeeqat say mutnafir honay k khabon say moon mor laita hay. aur haqqeeqat ka samna kernay ki koshish kerta hay chahay wo kaisi hi kun na ho ye alag bat k dil main yahi khawhish hoti hay k kushnuma ho. in tamam jazbat ka bohot umdagi say izhar kia hay aap nay. nazm bhohot acchi lagi.dad qabool kijiay
dr zagham abidi
|
|
|
Post by Atif Mirza on Jun 24, 2008 0:23:47 GMT 6
kwab daykhnay ki khawhish her dil main basi hoti hay magar jab is khwhish k chahray per haqeeqat ka thappar parta haay to insan baajaie haqeeqat say mutnafir honay k khabon say moon mor laita hay. aur haqqeeqat ka samna kernay ki koshish kerta hay chahay wo kaisi hi kun na ho ye alag bat k dil main yahi khawhish hoti hay k kushnuma ho. in tamam jazbat ka bohot umdagi say izhar kia hay aap nay. nazm bhohot acchi lagi.dad qabool kijiay dr zagham abidi Zagham Bhai! Aap kay alfaaz meray liay hosla afzaa haiN. Daad ka bahut shukriya.
|
|
|
Post by Razi-ud-Din Razi on Jul 8, 2008 1:14:58 GMT 6
aahang misron ki tarteeb aur khyaal sab kuch boht umda hy aik khobsoorat nazm parhnay ko mili thanx razi
|
|
|
Post by khalidmahmood on Jul 8, 2008 6:21:01 GMT 6
aatif sb ye nazm maiN kai mertaba peRh chuka hooN! waqii la javaab hai! daad e saalis qubool keeje
|
|
|
Post by Atif Mirza on Jul 8, 2008 21:37:19 GMT 6
Kayee baar paRhana hi maqsad hai, Khalid sahib. Aap ka mamnoon hooN keh aap nay daad ataa farmayee.
|
|